मकवानपुर । हेटौंडाको रातोमाटेबाट प्रहरीले पेट्रोलियम पदार्थ बोक्ने ट्याङ्करभित्र लुकाएर ल्याएको गाजा बरामद गरेको छ ।
प्रहरी चौकी रातोमाटेबाट खटिएको प्रहरी टोलीले मंगलबार बिहान गाजासहितको ट्यांकर नियन्त्रणमा लिएको हो ।
पालुङबाट वीरगंजतर्फ जाँदै गरेको ना७ख १७७१ को ट्याङ्करलाई विशेष सूचनाका आधारमा रोकी चेकजाँच गर्ने क्रममा ३ सय ९२ केजी लागूऔषध गाँजा बरामद गरिएको मकवानपुरका प्रहरी उपरीक्षक विश्वराज खड्काले जनाउनुभयो ।
प्रहरीले ट्याङ्कर चालक मनहरी गाउँपालिका-९ ज्यामिरेका २६ वर्षीय रोशन पुरि र सोही स्थानका सहचालक २२ वर्षीय धनबहादुर मल्ललाई पक्राउ गरेको छ ।
ट्याङ्करको पाँचवटा डिब्बाहरु मध्ये ३ नम्बको डिब्बाभित्र २५ वटा पोका बनाई रातो प्लाष्टिकले बेरेको अवस्थामा गाजा फेला परेको प्रहरी उपरीक्षक खड्काले बताउनुभयो ।
