धादिङ । धादिङको बेनिघाट रोराङ गाउँपालिकामा पर्ने पृथ्वी राजमार्गको कृष्णभीरमा सडक भासिएर एकतर्फी भएको छ ।
पहिरोको कारण लामो समय सास्ती दिएको कृष्णभीरमा आज बिहान सडक भासिएको हो । सडक करिब ३० मिटर भासिएको छ ।
सो छेत्रमा सवारी एकातर्फ मात्रै संञ्चालनमा छ । नागढुङा मलेखु-मुग्लिन सडक खण्डको अन्य अधिकाशं स्थानमा हिजोदेखि दुईतर्फि यातायात संञ्चालनमा आएको छ ।
सडक भासिएपछी थप अध्ययन गर्न जिल्ला प्रशासन कार्यालयको समन्वयमा भुगर्भ विदहरु कृष्णभीर पुगेका छन् । अन्यत्र सवारी सहज सन्चालन भएपनी एकातर्फी सडकको कारण कृष्णभीरमा भने केही समय सवारिसाधन लाइनमा बस्नु पर्ने अवस्था छ ।
यातायात सन्चालनमा सहजीकरण गर्न सो क्षेत्रमा प्रहरी परिचालन गरिएको ईलाका प्रहरी कार्यालय गजुरीका प्रमुख डिल्ली नारायण पाण्डेले बताउनु भयो । काठमाडौंबाट बाहिरिने सवारीसाधनको चाप अत्याधिक भएकोले सवारी केहि समय रोकिनु पर्ने भएको हो ।
