झापा । झापामा एक किशोरीको छुरा प्रहार गरि हत्या भएको छ ।
अर्जुनधारास्थित महानन्द चोकमा शुक्रबार साँझ एक किशोरीको छुरा प्रहार गरि हत्या भएको हो ।
इलामको सूर्योदय नगरपालिका -१० फिक्कल घर भई विर्तामोडमा डेरा गरी बस्ने १९ वर्षीया मनिषा लोहारमाथि शुक्रबार साँझ एक युवकले छुरा प्रहार गरेका हुन् ।
छुरा प्रहारपछि भागेका कैलाली गौरीगंगा ३ घर भएका २० वर्षीय अनिल विक पनि स्थानीय केही युवाको कुटपिटबाट गम्भीर घाइते भएका छन् । उनको विर्तामोडस्थित बीएण्डसी अस्पतालमा उपचार भइरहेको इलाका प्रहरी कार्यालय अनारमनीले जनाएको छ ।
