काभ्रे । काभ्रे जिल्लाको पनौती नगरपालिका- ४ मा एक महिला मृत फेला परेकी छन् ।
आज बिहान ६:१५ बजे पनौती नगरपालिका-४ दुधमिल पछाडि खेतको आली छेउमा उनको शव फेला परेको हो ।
मृतक बनेपा नगरपालिका-११ सल्ले घर भई हाल पनौती नगरपालिका -४ कुमारी बैंक पछाडि डेरा गरी बस्ने वर्ष ३५ की शान्ति तामाङ रहेको काभ्रे प्रहरीले जानकारी दिएको छ ।
मृतकको छोरा सञ्जय तामाङले सनाखद गरेको काभ्रे प्रहरीका सुचना अधिकारी राज कुमार श्रेष्ठले जानकारी दिनुभयो । प्रहरीका अनुसार घटनबारे थप अनुसन्धान भइरहेको छ ।
