बागलुङ । बागलुङमा बाढीले बगाउँदा दुई जनाको मृत्यु भएको छ ।
गएराति बागलुङ नगरपालिका-४ बान्द्रे खोला तर्ने क्रममा मोटरसाइकलमा सवार स्थानीय २३ वर्षीय अर्जुन सापकोटा र २२ वर्षीय अभिषेक रेग्मीलाई बगाउँदा दुवैजनाको मृत्यु भएको हो । बाढीमा परि एक जना बेपत्ता भएका छन् ।
जिल्ला प्रहरी कार्यालय बागलुङका सूचना अधिकारी प्रताप पौडलका अनुसार बाढीमा बगेर बेपत्ता भएका २० वर्षीय कमल सापकोटाको खोजी जारी रहेको छ ।
कुँडुलेदेखि मालिका जाने क्रममा बान्द्रे खोला तर्ने क्रममा मोटरसाइकल र स्कूटरमा सवार तीनै जनालाई बगाएको थियो ।
सापकोटा र रेग्मीको शव करिब दुई सय मिटर तल फेला परेको थियो ।
