ललितपुर । अख्तियार दुरुपयोग अनुसन्धान आयोगकी आयुक्त इन्जिनियर डा. सुमित्रा श्रेष्ठ अमात्यको ललितपुर चाकुपाटस्थित घरमा ललतिपुर महानगर पालिकाले डोजर चलाएको छ ।
आयुक्त अमात्यले सार्वजनिक जग्गा अतिक्रमण गरेर बनाएका संरचना महानगरपालिकाको डोजरले भत्काइदिएको हो । महानगरपालिकाले अमात्यको घरमा लगाइएको पर्खालका साथै सार्वजनिक जग्गामा बनेका संरचना भत्काउँदै गर्दा महानगरपालिकाका मेयर चिरिबाबु महर्जन पनि उपस्थित हुनुहुन्थ्यो ।
