काठमाडौं । गए रातिदेखिको निरन्तरको वर्षाका कारण सप्तरीको रुपनी गाउँपालिका-१ मा रहेका ३० भन्दा बढी घरमा बाढी पसेको छ ।
खाँडो खोलामा बाढी आउँदा बस्तीमा पसेको रुपनी-१ का पूर्ववडाध्यक्ष पिताम्वर यादवले जानकारी दिनु भयो । रुपनी गाउँपालिकामा रहेको जलमापन केन्द्रले बिहान ५ बजेको समयमा नदीमा खतराको संकेत पार गरेको जनाए पनि अहिले केही घटेको बताइएको छ । अविरल वर्षाले राजविराजका दुई दर्जन बढी घर पनि डुबानमा परेका छन् ।