काठमाडौं । आर्थिक, सामाजिक र सांस्कृतिक रुपमा पिछडिएको पर्साको ठोरी गाउँपालिका २, गौतमनगरमा बालबालिकालाई गुणस्तरीय शिक्षा प्रदानका लागि एमईआई स्कुलले अतिरिक्त क्रियाकलापमा जोड दिएको छ । ‘माया शैक्षिक अभियान’ नामक गैरसरकारी संस्थामा आश्रित अनाथ तथा असहाय बालबालिकालाई छात्रवृत्तिमा समेत पढाइरहेको छ ।
विद्यालयबाहिर रहेका झन्डै २ हजार बालबालिकामध्ये अहिले यहाँ २०० विद्यार्थी अध्ययनरत छन् । जसले न्यून शुल्कमा गाउँमै गुणस्तरीय शिक्षा पाइरहेको सहायक प्रिन्सिपल हिमला राईको भनाइ छ । उनका अनुसार एमईआई स्कुलले ई-लर्निङ, एसीए पेपर वर्कलगायत शिक्षण सिकाइमा जोड दिइरहेको छ ।
जहाँ क्रियटिभ लेखन, पब्लिक स्पिकिङ, म्युजिक, क्राफ्ट, आर्ट्स तथा गेम्स थपिएपछि बालबालिकामा पढाइप्रति रुचि बढेको छ । यहाँ प्ले ग्रुपदेखि कक्षा ६ सम्म पढाइ हुन्छ । एमईआई स्कुलले अनाथ, असहाय, भूकम्प प्रभावित बालबालिकालाई छात्रवृत्तिमा पढाइरहेको छ ।
