सिरहा । जिल्ला ट्राफिक प्रहरी कार्यालय लहानले सिमेन्ट उद्योगका लागि लोड क्षमताभन्दा बढी चुनढुंगा बोक्ने टिपरलाई कारबाही थालेको छ ।
सिरहास्थित सिमेन्ट उद्योगका टिपरले उदयपुरका खानीबाट मिर्चैया हुँदै चुनढुंगा लैजाने क्रममा जनजीवन प्रभावित हुँदै आएको छ । टिपरले क्षमताभन्दा बढी चुनढुंगा बोकेर सडकमा क्षति पुगेको स्थानीयको गुनासोमा गृहप्रसासनले पत्रकाटेपछि ट्राफिक प्रहरीले मिर्चैयामा थप टोली खटाएर सक्रियता देखाएको हो ।
यसअघि पनि कारबाही गरिएकोमा पछिल्लो समय यसलाई अभियानकै रूप दिइएको जिल्ला ट्राफिक प्रहरी प्रमुख डम्बर बहादुर पुरीले जानकारी दिए ।
प्रहरीले ५० वटा ओभरलोड बोक्ने टिपरलाई कारबाही गरिसकेको जनाएको छ ।
