पाल्पा । पाल्पाका सबै स्थानीय तहले आज सार्वजनिक बिदा दिएका छन् । ४२औं मगर एकता दिवस मनाउन पाल्पाका दुई नगरपालिका र ८ गाउँपालिकाले बिदा दिएका हुन् ।
मगर समुदायले फागुन १५ गतेलाई मगर एकता दिवसका रुपमा मनाउँछन् । पाल्पाका सबै स्थानीय तहमा मगर समुदायको बसोबास छ । दिवसको अवसरमा आज विभिन्न स्थानीय तहमा कार्यक्रम गरिँदै छ । कार्यक्रममा स्थानीय कला संस्कृतिको जर्गेना, मगर खाना, मगर भेषभूषा तथा संस्कृतिको प्रदर्शन गरिनेछ ।
