काठमाडौं । मौसममा आएको खराबीका कारण आन्तरिक तथा अन्तर्राष्ट्रिय उडान पनि प्रभावित भएका छन् ।
त्रिभुवन विमानस्थलमा साढे ३ बजे आएको चाइना इस्टर्न कोलकाता पुगेर अवतरण भएको छ । त्यस्तै इन्डिगो एयर पनि कोलकत्ता डाइभर्ट भएको त्रिभुवन विमानस्थल कार्यालयले जानकारी दिएको छ ।
यसैगरी आन्तरिक उडान पनि प्रभावित भएको त्रिभुवन विमानस्थल कार्यालयले जानकारी दिएको छ । बुद्ध एयरको भैरहवाबाट काठमाडौं आउन लागेको जहाज जनकपुर डाइभर्ट गरिएको थियो। त्यस्तै विराटनगरबाट काठमाडौंका लागि उडेको जहाज विराटनगर नै फर्काइएको थियो ।
