हेटौंडा । पुर्वपश्चिम राजमार्गअन्तर्गत मकवानपुरको मनहरी-७ रमनटारमा बस दुर्घटना हुँदा २२ जना घाइते भएका छन् ।
हेटौंडाबाट नारायणघाटतर्फ जाँदै गरेको बा प्र ०६-००१ ख ००५४ नम्बरको बसले बिजुलीको पोललाई ठक्कर दिई सडकबाट तल खस्दा दुर्घटना भएको हो ।
घाइतेहरूलाई उपचारका लागि भरतपुर अस्पताल पठाइएको जिल्ला प्रहरी कार्यालय मकवानपुरका प्रहरी नायब उपरीक्षक पुष्कर बोगटीले बताउनुभयो । दुर्घटनाका कारण विद्युत् पोल ढल्दा उक्त क्षेत्रमा बिजुली समेत अवरूद्ध भएको छ ।
