धनकुटा । आगामी फागुन २१ गतेका लागि तोकिएको प्रतिनिधि सभा सदस्य निर्वाचनका लागि धनकुटामा १ सय १९ मतदान स्थल तय भएका छन् ।
मतदान स्थलको टुंगो लागे पनि मतदान केन्द्रको संख्या थपघट हुनसक्ने जिल्ला निर्वाचन कार्यालय धनकुटाले जनाएको छ । निर्वाचन आयोगले आगामी पुस १५ गते मतदाताको अन्तिम नामावली प्रकाशन गर्नेछ । त्यसपछि मात्रै मतदान केन्द्रको टुंगो लाग्ने जिल्ला निर्वाचन कार्यालय धनकुटाका निमित्त प्रमुख सुरज श्रेष्ठले बताउनुभयो ।
२०७९ को प्रतिनिधि तथा प्रदेश सभा सदस्य निर्वाचनमा धनकुटामा दुई अस्थायीसहित १ सय ६२ मतदान केन्द्र थिए । तोकिएका १ सय १९ मतदान स्थलमध्ये ५४ सामान्य, ४९ संवेदनशील र १६ मतदानस्थललाई अति संवेदनशीलको सूचीमा राखिएको छ । आगामी निर्वाचनका लागि धनकुटामा ३ हजार २ सय ७२ मतदाता थपिएका छन् । यद्यपि मतदाता संख्या यकिन गर्न मंसिर २० गतेबाट आयोगले मतदाता नामावली अद्यावधिक र दाबीविरोधको प्रक्रिया सुरू गर्दैछ ।
.png&w=400&height=300)
