काठमाडौं । नेकपा एमालेकाे अध्यक्ष एवं पूर्वप्रधानमन्त्री केपी शर्मा ओलीले अन्तरिम सरकारलाई बुख्याँचाको संज्ञा दिँदै लोकतन्त्र फर्काउने बाटोमा लाग्न आह्वान गर्नुभएको छ ।
आइतबार दिउँसो पार्टी केन्द्रीय कार्यालय च्यासलमा एघारौँ राष्ट्रिय महाधिवेशनको प्रतिक चिन्ह सार्वजनिक गर्दै अध्यक्ष ओलीले यस्तो आह्वान गर्नुभएको हो । उहाँले देश अफ्ठ्यारो परिस्थितिमा रहेको उल्लेख गर्नुहुँदै संवैधानिक बाटोमा देशलाई फर्काउन सबै लाग्नुपर्ने बताउनु भयो ।
असंवैधानिक ढंगले विघटित संसद् पुनःस्थापना हुनु आवश्यक रहेको बताउनु भयो । अन्तरिम सरकारप्रति लक्षित गर्दै अनिर्वाचित बुख्याँचाहरू तरकारी बारीमा नै ठिक रहेको टिप्पणी गर्नुभयो । सिंहदरबार कसैले लगेर किलोमा राखिदिने बुख्याँचाको लागि नभएको उहाँको भनाइ छ ।
आधिकारिक लोकतान्त्रिक मूल्य मान्यताको हैसियत भएकाहरूको स्थल सिंहदरबार भएको उहाँले बताउनु भयो । उहाँले केपी ओली र एमालेसँग रिस उठ्यो भन्दै संविधान, देश, विकास, सुशासन, सार्वभौमसत्तामाथि रिस नपोख्न आग्रह गर्नुभयो । अध्यक्ष ओलीले अन्यायको पक्षमा उभिने व्यक्ति नै जनताको प्रतिनिधि भएको बताउनु भयो ।
निर्वाचन जितेर मात्रै प्रतिनिधित्व नभइने भन्दै जनताको पक्षमा उभिनसक्नुपर्ने उहाँले बताउनु भयो ।
