काठमाडौं । मानवअधिकारकर्मी तथा अभियन्ताहरूले वातावरणीय विनास रोक्न र पानीका श्रोत जोगाउन चुरेको संरक्षण गर्नुपर्नेमा जोड दिएका छन् ।
मानवअधिकारको क्षेत्रमा काम गर्दै आएको इन्सेकले संस्थापक महासचिव प्रकाश काफ्लेको ३३औं स्मृति दिवसमा शुक्रबार ललितपुरमा गरेको कार्यक्रममा वक्ताहरूले चुरे क्षेत्रको विनासप्रति चिन्तासमेत व्यक्त गरे।
उनीहरूले स्थानीय समुदायको अग्रसरतामा मात्रै चुरे क्षेत्रको संरक्षण र व्यवस्थापन दिगो हुनेमा जोड दिए । कार्यक्रममा चुरे संरक्षण अभियन्ता सुनिलकुमार यादवलाई ३१औं प्रकाश मानव अधिकार पुरस्कार प्रदान गरिएको थियो ।
