काठमाडौं । चक्रे मिलन भनिने मिलन गुरूङसहित १९ जनालाई प्रहरीले सार्वजनिक हितविरूद्धको कसुरमा अनुसन्धान गर्ने भएको छ ।
गएराती काठमाडौंको एक होटलबाट गुरूङसहित ४७ जना पक्राउ परेका थिए । ती मध्ये १९ जनालाई जिल्ला प्रहरी परिसरले अनुसन्धानका लागि भन्दै अदालतबाट ७ दिन म्याद थप गरेको छ ।
गुरूङले जन्मदिन मनाउने नाममा होहल्ला गरेर सार्वजनिक शान्ति सुरक्षामा खलल पुर्याएको प्रहरीको भनाइ छ । हिजो दिनभर अन्य सवारी आवागमनमा असर पुर्याएको र अरूलाई आतंकित पार्ने गरी सवारीका लावा लस्करसहित हिँडेको पाइएकोले नियन्त्रणमा लिएको अपराध अनुसन्धान कार्यालयका एसएसपी रमेश बस्नेतले बताउनुभयो ।
