काठमाडौं । इरानबाट थप चार नेपालीको उद्धार भएको छ ।
भारत सरकारले सञ्चालन गरेको अपरेशन सिन्धुअन्तर्गत बुधबार २ सय ९६ भारतीयसहित थप ४ नेपालीको उद्धार गरिएको भारतीय समाचार संस्था एएनआइले जनाएको छ ।
उद्धार गरिएकाहरूमा गायत्री थापा, उत्सव थापालगायत छन् । उनीहरूले इरानको अवस्था खराब बनेपछि भारत सरकारले उद्धारमा सहयोग गरेकोमा धन्यवाद दिएका छन् ।
भारतले अपरेशन सिन्धुअन्तर्गत हालसम्म ३ हजार १ सय ५४ भारतीयको इरानबाट उद्धार गरिसकेको छ ।
