काठमाडौं । सरकारले लागुऔषध नियन्त्रणका लागि छुट्टै विभाग स्थापना गर्ने भएको छ ।
काठमाडौंमा बिहिबार आयोजित कार्यक्रममा गृहमन्त्री रमेश लेखकले लागुऔषध नियन्त्रण गर्नका लागि सरकारले आगामी आर्थिक वर्षमा गृह मन्त्रालय अन्तर्गत छुट्टै विभागको स्थापना गर्ने जानकारी दिनुभयो ।
देशभरका कारागारमा रहेका कैदीबन्दीमध्ये दोस्रो धेरै संख्या लागुऔषध दुर्व्यसनी र कारोबार गर्नेहरू रहेको बताउनुभयो । नेपाल प्रहरीका महानिरीक्षक दिपक थापाले काठमाडौं उपत्यकामा लागुऔषधको बिगबिगी बढिरहेको बताउनुभयो ।
उहाँले सबै तहमा लागुऔषध विरूद्धको अभियानमा सचेतनामुलक कार्यक्रम आवश्यक रहेको उहाँको भनाइ छ ।
