काठमाडौं । जनता समाजवादी पार्टी-जसपा, नेपालका अध्यक्ष उपेन्द्र यादवले महिलाको समानता विकासको आधार भएको बताउनुभएको छ ।
जनकपुरमा समाजवादी महिला संघ, नेपालको राष्ट्रिय महाधिवेशनको उद्घाटन सत्रलाई सम्बोधन गर्दै उहाँले यस्तो बताउनुभएको हो । उहाँले उन्नति र समृद्धिको आधार महिलाको समान अधिकार भएको उल्लेख गर्नुभयो ।
उहाँले आज पनि महिलाहरूमाथि धेरै खालका विभेदहरू हुने गरेको भन्दै चिन्ता व्यक्त गर्नुभयो । उहाँले महिलामाथि हुने विभेदमा एउटा लैङ्गिक असमानता रहेको बताउनु भयो । नेपालमा तुलनात्मक रूपमा सबैभन्दा बढी महिला हिंसा मिथिला भूमिमै हुने गरेको उहाँकाे भनाइ छ ।
अध्यक्ष यादवले शिक्षामा सबैभन्दा बढी महिला पछि परेको स्थान मधेश प्रदेश नै रहेको बताउनु भयो ।
