कोशी, बागमती र गण्डकी प्रदेशमा आजदेखि तीन दिनसम्म वर्षा हुने

काठमाडौं । आगामी तीन दिन देशका विभिन्न भागमा फेरि वर्षा हुने भएको छ ।

विशेषगरी कोशी, बागमती र गण्डकी प्रदेशमा आजदेखि वर्षा हुने मौसम पूर्वानुमान महाशाखाले जनाएको छ । भारतको आसाम आसपासमा विकसित भएको प्रणालीले नेपालमा वर्षा हुन लागेको हो ।

शुक्रबार र शनिबारको जस्तो अविरल वर्षा नहुने भएकाले नआत्तिन महाशाखाले आग्रह गरेको छ । तर सतर्कता भने अपनाउन महाशाखाले सुझाव दिएको छ ।