नयाँदिल्ली । इजरायलबाट उद्धार गरिएका १८ जना नेपाली सवार विमान दिल्लीमा अवतरण गरेको छ ।
आज राति १० बजेर ५२ मिनेटमा विमान इन्दिरा गान्धी अन्तर्राष्ट्रिय विमानस्थलमा अवतरण गरेको नयाँदिल्लीस्थित कान्तिपुर सहकर्मी राजेश मिश्रले जानकारी दिए । उनका अनुसार इजरायलबाट फर्केका १८ जनालाई लिन दूतावास अधिकारीहरू त्यहाँ पुगेका छन् ।
नेपालीहरूको टोलीलाई भारतका लागि नेपाली राजदूत शंकरप्रसाद शर्मासहितको टोलीले स्वागत गर्नेछ ।
आज राति नै स्थलमार्गमार्फत उनीहरूलाई नेपाल पठाउने तयारी दूतावासको छ । उनीहरू भोलि बिहान १० बजे गड्डाचौकी नाका हुँदै महेन्द्रनगर पुग्ने लक्ष्य छ ।
सम्बन्धित समाचार...
इजरायलमा बेपत्ता विपिन जोशीको परिवार भावविह्वल
इजरायलमा रहेका थप १८ नेपालीको उद्धार, भारतको नयाँदिल्ली हुँदै भोलि नेपाल आइपुग्दै