काठमाडौं । नेकपा माओवादी केन्द्रका नेता एवं पूर्वअर्थमन्त्री वर्षमान पुनले धितोपत्र बोर्डको अध्यक्ष नियुक्तिमा चलखेल गर्ने बिचौलिया समूहले एमाले-माओवादी गठबन्धन सरकार ढालेको बताउनुभएको छ । नेपाल राष्ट्र बैंकको गभर्नर नियुक्तिमा चलखेल गर्ने यही समूह भएको पूर्वअर्थमन्त्री पुनको दाबी छ ।
कान्तिपुर टेलिभिजनको कार्यक्रम सरोकारमा पूर्वअर्थमन्त्री पुनले धितोपत्र, बीमा बोर्ड र नेपाल राष्ट्र बैंकको गभर्नर नियुक्तिमा चलखेल गर्ने एकै बिचौलिया समूह भएको जिकिर गर्नुभयो ।
आगामी बजेट विशेष कार्यक्रम सरोकारको बहसमा नेकपा एमालेका नेता पदम गिरी र अर्थशास्त्री कुशुम शाक्य पनि सहभागी हुनुहुन्छ । यो कार्यक्रम आज राति ९ बजे प्रसारण हुनेछ । कार्यक्रम सरोकार युट्युब र कान्तिपुर टेलिभिजनको एपबाट पनि हेर्न सकिनेछ ।
