काठमाडौं । बंगलादेशमा भएको अप्रत्याशित र नाटकीय राजनीतिक उथलपुथलको विभिन्न दृष्टीकोणबाट विश्लेषण भइरहेको छ ।
प्रधानमन्त्री शेख हसिनाले राजीनामा दिनुका साथै देशै छाडेर हिंडनु परेको घटनालाई कतिपयले अन्य देशकालागि पनि राजनीतिक सन्देशको रुपमा व्याख्या गरेका छन् ।
बंगलादेशका लागि नेपालका पूर्व राजदूत वंशिधर मिश्रले बंगलादेशको घटनाक्रमबाट नेपालका दल र नेताहरुले पनि पाठ सिक्नुपर्ने बताउनु भएको छ । कान्तिपुर टेलिभिजनको न्यूजटकमा कुराकानी गर्दै उहाँले यस्तो बताउनु भएको हो ।
लोकतान्त्रिक प्रणालीको आवरणमा स्वेच्छाचारी बन्ने दल र नेताहरुको भविष्य पनि शेख हसिना झैं हुन सक्ने उहाँको भनाइ छ । बंगलादेशमा तत्कालिन अवस्थामा सेनाले सत्ता नियन्त्रणमा लिए पनि त्यहाँ चाँडै लोकतन्त्र बहाली हुने उहाँको विश्वास छ ।
निवर्तमान प्रधानमन्त्री हसिना राजनीतिमा फर्कने सम्भावना भने कम रहेको उहाँको विश्लेषण छ ।
विस्तृत कुराकानी भिडियोमा :
