अमेरिकी पूर्वराष्ट्रपति बराक ओबामाले एक अन्तर्वार्तामा "एलियनहरू वास्तविक हुन्" भनेपछि ट्रम्पले उहाँलाई "गोप्य सूचना" चुहाएको आरोप लगाउनुभएको थियो । यसपछि सामाजिक सञ्जाल 'ट्रूथ सोसल'मार्फत ट्रम्पले एलियन, अनआइडेन्टिफाइड एरिअल फिनोमिना (यूएपी) र अन्आइडेन्टिफाइड फ्लाइङ अब्जेक्ट्स (यूएफओ) बारे सूचना सार्वजनिक गर्ने घोषणा गर्नुभएको हो ।
यसअघि पनि एलियनको अस्तित्वबारे अमेरिकामा पटक पटक बहस छेडिने गरेको थियो । सन् २०१७ मा अमेरिकी रक्षा मन्त्रालयले एलियनबारे छानबिन गर्न एउटा गोप्य कार्यक्रम सञ्चालन गरेको थियो भने सन् २०२२ मा अमेरिकी कङ्ग्रेसमा यूएफओबारे संसदीय सुनुवाइ भएको थियो । सुनुवाइमा पेन्टागनले त्यसबारे पारदर्शिता कायम गर्ने प्रतिबद्धता जनाएको थियो ।
.png&w=350&height=150)