काठमाडौं । इजरायली सेनाले दक्षिणी लेबनानमा हिज्जबुल्लाहको शैन्य केन्द्र र आतङ्क फैलाउने पूर्वाधारहरु ध्वस्त पारेको जनाएको छ।
इजरायली डिफेन्स फोर्सेसका अनुसार इजरायली एयर फोर्सले कम्तिमा एक सय लन्चरहरु र त्यसबाहेकका अन्य आतङ्क फैलाउने पूर्वाधारहरु ध्वस्त पारेको हो । जसमा करिब एक सय ब्यारलहरु इजरायल माथि आक्रमणका लागि तयारी अवस्थामा राखिएका थिए।
लेबनानको समाचार संस्था एन एन एका अनुसार इजरायलले दक्षिणी लेबनानमा ५२ भन्दा बढी हवाई हमला गरेको हो र यो हमला गत अक्टोबरमा सुरु भएको युद्धदेखिकै सबैभन्दा ठुलो रहेको बताइएको छ।
हमलाबाट के कति क्षति भयो अहिलेसम्म जानकारी आइसकेको छैन। अक्टोबर ७ मा हमासले इजरायलमाथि गरेको हमलाको भोलिपल्ट हेज्बोल्लाहले इजरायलमाथि मिसायल प्रहार गरेको थियो जसले त्यस क्षेत्रमा युद्ध झनै बल्झाएको छ ।
युद्धग्रस्त क्षेत्रबाट अहिलेसम्म दशौं हजारलाई स्थानान्तरण गरिसकिएको छ।
