काठमाडौं । इराकको बस्रा सहरनजिक हर्थामा एक ट्रकले ठक्कर दिँदा ६ बालबालिकाको मृत्यु भएको छ । १४ जना घाइते भएका छन् ।
बस्राका अधिकारीका अनुसार ट्रकको ब्रेक फेल भई चालकको नियन्त्रणबाहिर जाँदा उक्त दुर्घटना भएको हो । घाइतेको विभिन्न अस्पतालमा उपचार भइरहेको बस्रा स्वास्थ्य विभागले जनाएको छ । घटनाको तत्काल अनुसन्धान गर्न इराकी प्रधानमन्त्री मोहमद शिया अल सुडानीले निर्देशन दिएका छन् ।
