काठमाडौं । मालीमा बस दुर्घटना हुँदा कम्तीमा ३१ जनाको मृत्यु भएको छ ।
मालीको दक्षिणपश्चिमी सहर केनैबाबाट पूर्वी छिमेकी देश बुर्किना फासोतर्फ जाँदै गरेको बस बागो नदीको पुलमा दुर्घटनामा परेको हो । चालकले नियन्त्रणमा लिन नसक्दा बस दुर्घटना भएको त्यहाँको यातायात मन्त्रालयले जनाएको छ ।
गत महिना राजधानी बामाकोमा एउटा बस ट्रकसँग ठोक्किँदा पन्ध्र जनाको मृत्यु भएको थियो भने छयालीस जना घाइते भएका थिए । सार्वजनिक यातायातमा क्षमताभन्दा बढी यात्रु चढाउने, कमजोर नियमन तथा खराब सडक र सवारी साधनका कारण अफ्रिकामा बारम्बार सवारी दुर्घटना हुने गरेको छ ।
