काठमाडौं । भारतीय जनता पार्टीको समर्थनमा नवौं पटक बिहारको मुख्यमन्त्री बनेका नीतिश कुमारले आज बिहार विधान सभामा विश्वासको मत लिँदैछन् ।
दुई सय ४३ सदस्यीय विधानसभामा एनडीएका एक सय २८ विधायक छन्, जुन बहुमतका लागि आवश्यकभन्दा ६ जना बढी हो ।
विधान सभाको कार्यतालिका अनुसार आजै बजेटसत्र पछि सभामुख अवध बिहारी चौधरीविरुद्ध अविश्वासको मत प्रस्ताव गरिनेछ । चौधरी राष्ट्रिय जनता दलका सांसद हुन् भने उनले भाजपा र जनता दल युनाइटेडको राजीनामा मागलाई अस्वीकार गर्दै आएका छन् । तर, उनले उक्त प्रस्ताव पेस हुनुअघि नै राजीनामा दिने बताइएको छ ।
आरजेडीले सभामुख चौधरीविरुद्ध अविश्वासको प्रस्ताव पारित गर्नुपूर्व नीतिश कुमारले बहुमत सिद्ध गर्नुपर्ने अडान लिएको छ ।
