नवलपरासी । पूर्वी नवलपरासीमा चालु आर्थिक वर्षमा जापानिज ईन्सेफलाइटिस रोगको सक्रमणबाट ६ जनाको मृत्यु भएको छ ।
१४ जनामा सक्रमण देखिएकोमा ६ जनाको मृत्यु भएको प्रदेश जनस्वास्थ्य कार्यालय नवलपुरका प्रमुख केशव चापागाईंले बताउनुभयो । मुलुकभरमा नै पूर्वी नवलपरासीमा सक्रमण बढी भएको भन्दै फागुन २९ गतेदेखि जिल्लाभरि जापानिज ईन्सेफलाइटिसविरूद्धको निःशुल्क खोप अभियान चलाइरहेको छ ।
३५ वर्ष माथिका उमेर समूहका सबैलाई वडामा रहेका आधारभूत स्वास्थ्य कार्यालय र खोप केन्द्र मार्फत धमाधम खोप लगाउने काम भैरहेको छ । जिल्लामा १ लाख ५० हजार नागरिकलाई खोप लगाउने लक्ष्य रहेकोमा चैत १ गते जिल्लाभरिमा २० हजार जनाले खोप लगाएको प्रदेश जनस्वास्थ्य कार्यालय नवलपुरले जनाएको छ ।
जापानिज ईन्सेफलाइटिस इन्फ्लूएन्जा सक्रमण भएको हाँस, चराचुरुङ्गी, संगुर, बुंगुरलाई टोकेको लाम्खुट्टेले मानिसलाई टोकेपछि यो रोग सर्ने चिकित्सकको भनाइ छ ।
