काठमाडाैं । भदौ २३ गतेको जेन-जी आन्दोलन र २४ गतेको तोडफोड तथा आगजनीसहितका घटनाक्रममा दुई हजार ३ सय १६ जना घाइतेले स्वास्थ्य संस्थाहरूबाट उपचार लिएको सरकारले जनाएको छ ।
भ्रष्टाचार, बेथितिविरूद्ध जेन-जी पुस्ताले २३ गते आन्दोलन गरेका थिए । उक्त आन्दोलनमा सरकारले निर्मम दमन गरेको थियो । दुई दिनको उक्त घटनाक्रममा ७६ जनाले ज्यान गुमाएका छन् । शुरूवातको समयमा देशभरका ८३ वटा अस्पतालले जेन-जी आन्दोलनका घाइतेहरूको उपचार गरेको सरकारी तथ्यांक छ ।
स्वास्थ्य तथा जनसंख्या मन्त्रालयका प्रवक्ता डा. प्रकाश बुढाथोकीले अहिले पनि देशभरका विभिन्न १० वटा अस्पतालहरूमा जेन-जी घाइतेहरू उपचार भइरहेको बताउनुभयो । घाइते भएकाहरूमध्ये अस्पतालमा पुग्दा पुग्दै वा अस्पतालमा उपचार हुँदा-हुँदै ज्यान गुमाउनेको संख्या ४९ रहेको र हाल १० वटा अस्पतालमा ३८ जना घाइतेहरू उपचाररत रहेको उहाँले बताउनु भयो ।
उहाँले २ हजार २ सय २९ जना डिस्चार्ज भएर घर फर्किसकेका र जेन-जी आन्दोलनमा ९ सय ४७ जना घाइतेहरू बोक्न एम्बुलेन्सको प्रयोग गरिएको जानकारी दिनुभयो ।
.png&w=400&height=300)
