सुनसरी । सुनसरीको झुम्का कारागारमा तीनवटा रोगको प्रकोप फैलिएको पुष्टि भएको छ ।
चार दिनभित्र तीन जना कैदीबन्दीको मृत्यु भएको कारागारमा धमाधम बिरामी बढ्न थालेपछि स्वास्थ्य शिविर चलाइएको थियो । उक्त शिविरमा कैदीबन्दीको नमूना संकलन गरी परिक्षणका लागि धरानस्थित बीपी कोइराला स्वास्थ्य विज्ञान प्रतिष्ठान पठाइएको थियो ।
प्रयोगशाला परिक्षणबाट कैदीबन्दीमा स्क्रबटाइफस, डेंगी र इन्फ्लुएन्जा फैलिएको पुष्टि भएको हो । केही कैदीबन्दीमा जापनिज इन्सेफ्लाइटिसको आशंका गरिए पनि त्यसको रिपोर्ट आउन बाँकी छ ।
चार दिनमै तीनजना कैदीको मृत्यु हुनुका साथै ३ सय बढी कैदी बिरामी भएपछि कारागारमा त्रास फैलिएको थियो । अहिले पनि केही कैदीबन्दी विभिन्न अस्पतालमा उपचारत छन् ।
१६ सय क्षमता रहेको झुम्का कारागारमा 'ए' र 'बी' गरी दुबै ब्लकमा १ हजार ७ सय ९८ जना कैदीबन्दी छन् । क्षमताभन्दा धेरै बन्दी कोचाकोच गरेर राख्नुलाई संक्रमणको मुख्य कारण मानिएको छ ।
.png&w=400&height=300)
