बागलुङ । बागलुङको बुर्तिबाङमा भएको निःशुल्क आँखा शिविरमा एक हजार एक सय जनाले उपचार गराएका छन् ।
शिविरबाट ढोरपाटन नगरपालिका, निसीखोला, तमानखोला र बडिगाड गाउँपालिकाका नागरिकले सेवा लिएका हुन् । आँखाका बिरामीले स्थानीयस्तरमा नै शिविर मार्फत उपचार गराउन पाएपछि राहत महसुस गरेका छन् ।
बिरामीको आँखा उपचारसँगै ७४ जनाको मोतियाविन्दुको शल्यक्रिया समेत गरिएको छ । उपचार गराउन आउनेमा अधिकाशं जेष्ठ नागरिक रहेका थिए ।
ताकम फाउन्डेसन नेदरल्याण्डसको सहयोगमा नेपाल नेत्र ज्योति संघ, हिमालय आँखा अस्पताल पोखरा, धौलागिरि आँखा अस्पताल बागलुङको प्राविधिक सहयोग र ढोरपाटन नगरपालिका, लायन्स क्लब अफ ढोरपाटनको सहकार्यमा शिविर संचालन गरिएको थियो ।
शिविर तीन दिनसम्म संचालन गरिएको थियो ।
.png&w=400&height=300)
