काठमाडौं । ललितपुरको नेपाल मेडिसिटी अस्पतालमा स्ट्रोक अर्थात पक्षघात युनिट स्थापना गरिएको छ ।
पक्षघातका बिरामीलाई एउटै छातामुनी सबै उपचार गर्ने उदेश्यले विश्व पक्षघात दिवसको अवसर पारेर ६ शैय्याको स्ट्रोक यूनिट सञ्चालनमा आएको हो । आकस्मिक, आईसीयूदेखि पुनर्स्थापनासम्मको सेवा दिइने अस्पतालले जनाएको छ ।
समयमै अस्पताल आएमा पक्षघातका बिरामीमा हुनसक्ने जोखिम कम गर्न सकिने चिकित्सकहरुले बताएका छन् । नेपाल मेडिसिटी अस्पतालमा यसअघि पनि पक्षघातको उपचार हुँदै आएको छ । युनिट सुरु भएसँगै पक्षघातको रोकथाम तथा उपचारका लागि महत्वपूर्ण उपलब्धि हुने अस्पतालले जनाएको छ ।
