झापा । झापाको अर्जुनधारास्थित एक घरमा पूजाको प्रसाद खाएर बिरामी परेकाहरूमा इन्टापमिवा हिस्टोलाइटिका नामक किटाणु भेटिएको छ ।
भद्रपुर प्रादेशिक अस्पतालको ल्याबमा परीक्षण गरिएको ३० वटा नमुनामध्ये १२ वटामा यो किटाणु फेला परेको हो । यो किटाणुले फुडपोइजन नगराउने भएकाले अन्य परीक्षणका लागि नमूना प्रदेश राजधानी विराटनगर पठाइएको छ ।
प्रसाद खाएकामध्ये ८० जनामा फुडपोइजनको समस्या देखिएको थियो । अस्पताल आएका बिरामीमध्ये थप उपचारका लागि ३३ जनालाई भद्रपुर प्रादेशिक अस्पताल र एक जनालाई विर्तासिटी अस्पताल विर्तामोडमा रेफर गरिएको थियो ।
