काठमाडौं । गीतकार नारायण खतिवडाको गीत ‘स्वार्थी संसार’ सार्वजनिक भएको छ । गीतमा वरिष्ठ संगीतकार लक्ष्मण शेषको संगीत र स्वरूपराज आचार्यको स्वर छ । सामाजिक सन्देशलाई विषय बनाएको 'स्वास्थी संसार' बोलको गीतलाई डिजिटल प्लेटफर्म मार्फत सार्वजनिक गरिएको हो ।
गीतकार खतिवडाका यसअघि दर्जनौं गीत बजारमा आइसकेका छन् । खतिवडाको 'सम्झनाका पाइलाहरू' नामक गीतिसंग्रहसमेत प्रकाशित छ ।
गीत, कविता, मुक्तक जस्ता विधामा कलम चलाउने गीतकार नारायण खतिवडा सरकारी सेवामा कार्यरत हुनुहुन्छ ।
