काठमाडौं । चर्चित भारतीय अभिनेता अल्लु अर्जुन पक्राउ परेका छन् । सन्ध्या थिएटरमा हाल प्रदर्शनरत चलचित्र ‘पुष्पा २’ को प्रिमियरका क्रममा भागदौड मच्चिँदा एक महिलाको ज्यान गएको प्रकरणमा हैदरावाद प्रहरीले टलिउडका कलाकार अल्लु अर्जुनलाई पक्राउ गरेको हो ।
गत डिसेम्बर ४ मा पुष्पा २ को प्रिमियरका वेला एक ३९ वर्षीया महिलाको ज्यान गएको थियो भने उनका छोरा गम्भीर भएका थिए । प्रहरीले यस घटनामा सन्ध्या थिएटरको व्यवस्थापन, अभिनेता अल्लु अर्जुन र उनको सुरक्षा टोलीलाई विपक्षी बनाएर मुद्दा दायर गरेको छ ।
