काठमाडौं । शिल्पी थिएटरमा नाटक 'अनिदा रात' मञ्चन भएको छ । पवित्रा खड्काद्वारा निर्देशित नाटक भदौ २१ देखि असोज १७ गतेसम्म जाजरकोट र पश्चिम रुकुममा २६ स्थानमा देखाइएको थियो ।
एक वर्षअघि गएको विनाशकारी भूकम्पका कारण थलिएका परिवारको दिनचर्या नाटकमा प्रस्तुत गरिएको छ ।
रुक्मा धामीको जीवनमा भूकम्पले पारेको प्रभाव, परिवारका सदस्य गुमाउनुपर्दाको पीडा र अभाव पनि नाटकमा समावेश छ । नाटकले भूकम्प प्रतिरोधी घर बनाउन प्रोत्साहन गर्नुका साथै तीनै तहका सरकारले पीडितलाई गरेको उपेक्षा देखाइएको छ ।
