काठमाडौं । आउँदो वैशाख १४ गतेदेखि रिलिज हुने फिल्म ‘बोक्सीको घर’को ट्रेलर आज सार्वजनिक गरिएको छ ।
काठमाडौंको सिभिल मलको 'क्यूएफएक्स' सिनेमा हलबाट चलिचित्रको ट्रेलर सार्वजिनक गरिएको हो ।
सुलक्षण भारतीले निर्देशन गरेको फिल्म ‘बोक्सीको घर’मा महिलालाई बोक्सीको आरोप लगाएर समाजले उनीहरूमाथि गर्ने शोषणको कथालाई मुख्य विषय बनाइएको छ ।
फिल्मका निर्माता बद्री अधिकारी भने कार्यकारी निर्माता राज घिमिरे हुन् ।
केकी अधिकारी, सुपला सापकोटा, श्वेच्छा राउत, सुलक्षण भारती, रमा थपलिया, सुष्मा निरौला, सबिन बास्तोला लगायतले यस फिल्ममा अभिनय गरेका छन् ।