काठमाडौं । सामाजिक अध्ययन विषयमा धेरै विषयवस्तु समावेश हुँदा विद्यार्थीलाई बोझ भएको भन्दै यसलाई घटाउन र अरू सान्दर्भिक विषय राख्न शिक्षकहरूले सुझाव दिएका छन् ।
सामाजिक अध्ययन गराउने शिक्षकहरूले साइबर सुरक्षा, डिजिटल साक्षरतालगायत विषय समावेश गर्न सुझाव दिएका छन् । सामुदायिक र निजी विद्यालयका शिक्षकहरुले सामाजिक विषयको पाठ्यपुस्तकलाई समयसापेक्ष सुधार गरी नयाँ विषयवस्तु समेट्न जोड दिएका छन् ।
सामाजिक सुरक्षाका साथै वातावरणीय र सूचना प्रविधिजस्ता विषय समावेश गर्नुपर्ने उनीहरुले औंल्याएका छन् । शिक्षकहरुले बदलिदो परिस्थितिमा विद्यार्थीहरुलाई अर्थोपाजनमा सघाउने र एआईजस्ता सूचना प्रविधि क्षेत्रका विषयबस्तु समावेश गर्न पनि जोड दिएका छन् ।
पुस्तकमा अधिकारका कुरा उठाइए पनि कर्तव्यका विषयबस्तु नसमेटिएकाले व्यावहारिक कुराहरु समेत समेट्नुपर्ने शिक्षकहरुको भनाइ छ ।
.png&w=350&height=150)
