काठमाडौं । शिक्षा, विज्ञान तथा प्रविधिमन्त्री महावीर पुनले नियमित कामकाज सिंहदरबारबाट सुरू गर्नुभएको छ ।
जेन–जी विद्रोहको क्रममा सिंहदरबारस्थित शिक्षा, विज्ञान तथा प्रविधि मन्त्रालयमा आन्दोलनकारीले क्षति पुर्याएपछि शिक्षा मन्त्रालयको कामकारबाही लैनचौरस्थित केशर महलबाट सुरू गरिएको थियो । सिंहदरबारस्थित मन्त्रालय काम कारबाही गर्न योग्य भएपछि मन्त्री पुनले सिंहदरबारबाटै काम सुरू गर्नुभएको हो ।
मन्त्री पुन गत असोज ६ गते शिक्षामन्त्री बन्नुभएको थियो । उहाँ असोज ७ गतेदेखि केशरमहलमै बस्दै आउनुभएको छ ।
