काठमाडौं । चिकित्सा शिक्षा आयोगले स्नातक तहको एकीकृत प्रवेश परीक्षाको उत्तरपुस्तिका र उत्तर कुञ्जिका हेर्न माग गरेमा उपलब्ध गराइने भएको छ ।
आयोगको आज बसेको कार्यकारी समिति र एकीकृत प्रवेश परीक्षा समितिको बैठकले एमबीबीएस बीडीएस लगायतका विषयको प्रवेश परीक्षाको उत्तरपुस्तिका हेर्न माग गरेमा दिने निर्णय गरेको हो । आजको प्रतिनिधिसभामा पनि सांसदहरुले प्रवेश परीक्षाको नतिजा प्रकाशनमा भएको गडबडीबारे आपत्ति जनाएका थिए ।
आयोगले भदौ १४ गते प्रकाशित एमबीबीएसको नतिजामा समान अंक ल्याउने उम्मेदवारको योग्यताक्रम अनुसार हुनुपर्नेमा प्राविधिक त्रुटीका कारण रोल नम्बरको आधारमा हुन गएकाले सच्चाएर प्रकाशित गरिसकेको आयोगका उपाध्यक्ष अञ्जनी झाले बताउनुभयो ।
