काठमाडौं । राष्ट्रिय परीक्षा बोर्डले बिहीबार प्रकाशन गरेको माध्यामिक शिक्षा परीक्षा (एसईई) को प्रदेशगत नतिजामा बागमती प्रदेश अगाडि छ ।
बागमती प्रदेशबाट एसईईमा सबैभन्दा बढी ९९ हजार ८७२ जना सहभागी भएकामा ६६ हजार २९ जना ग्रेडिङ अर्थात उत्तीर्ण भएका छन् भने ३३ हजार ८४३ जनाले ननग्रेड पाएका छन् ।
बागमती प्रदेशमा ३.६ देखि ४ जीपीए ल्याउने विद्यार्थी १५ हजार ७६६ छन् । यो प्रदेशगत रूपमा सबैभन्दा धेरै हो । उता कर्णालीमा भने ४४१ जनाले मात्रै ३.६ माथिको ग्रेड ल्याएका छन् कर्णाली प्रदेशबाट एसईईमा ३५ हजार ३४ जना सहभागी थिए । तीमध्ये २० हजार ३८० जना ननग्रेडमा परेका छन् ।
त्यस्तै, लुम्बिनी प्रदेशबाट ८० हजार ३२७ जना सहभागी भएकामा ४९ हजार २२४ जना ननग्रेड मा परेका छन् । मधेश प्रदेशमा ७९ हजार ५ सय ९२ जना सहभागी भएकामा ४२ हजार २८६ जनाले ननग्रेड पाएका छन् ।
कोशी प्रदेशमा ७५ हजार ९८८ जना सहभागी भएकामा ३९ हजार ८९५ जना ११ कक्षा पढ्न अयोग्य भएका छन् । बोर्डका अनुसार गण्डकी प्रदेशमा ४० हजार ५२६ जना सहभागी थिए । तीमध्ये २० हजार २७५ जनाले ननग्रेड पाएका छन् ।
सुदूरपश्चिम ५३ हजार ४४६ जना विद्यार्थी सहभागी भएकामा ३६ हजार ४ सय १० कक्षा ११ पढ्न अयोग्य भएको बोर्डले जनाएको छ ।
यो पनि...
एसईईमा दुई विषय मात्रै लागेकाहरूको मौका परीक्षा साउन १८ र १९ गते हुने