काठमाडौं । राष्ट्रिय परीक्षा बोर्डका अनुसार यसपालिको माध्यमिक शिक्षा परीक्षा- एसईईमा ‘ननग्रेडिङ’ एनजी हुने विद्यार्थीको सङ्ख्या २ लाख ४२ हजार ३ सय १३ छ । तीमध्ये २ विषयमा ‘एनजी’ हुने विद्यार्थी सङ्ख्या १ लाख १५ हजार ८ सय ३४ छ ।
उनीहरू यही साउन १८ र १९ गते हुने ग्रेडवृद्धि परीक्षामा सहभागी हुन पाउने अध्यक्ष शर्माले बताउनुभयो । उक्त परीक्षाको नतिजा १ महिनामा प्रकाशित हुने बोर्ड जनाएको छ । गत चैतमा भएको एसईई परीक्षाको नतिजा राष्ट्रिय परीक्षा बोर्डले आज सार्वजनिक गरेको हो ।
परीक्षामा सहभागीमध्ये ४७ दशमलव ८६ प्रतिशत मात्र ११ कक्षामा भर्ना हुन पाउने भएका छन् । बोर्डका अध्यक्ष महाश्रम शर्माका अनुसार परीक्षामा सहभागी ४ लाख ६४ हजार ७ सय ६५ विद्यार्थीमध्ये २ लाख २२ हजार ४ सय ७२ जना कक्षा ११ मा भर्ना हुन योग्य भएका हुन् ।
सम्बन्धित समाचार...
