काठमाडौं । सरकारले विद्यालय शिक्षासम्बन्धी कानुनलाई संशोधन र एकीकरण गर्न बनाएको विधेयक प्रतिनिधिसभा पेस गरेको छ ।
शिक्षामन्त्री अशोककुमार राईले आइतबारको बैठकमा शिक्षा विधेयक सदनमा पेस गरेका हुन् ।
मन्त्री राईले गत भदौ २७ गते सो विधेयक संसद् सचिवालयमा दर्ता गराएका थिए ।
मन्त्री राईले प्रस्तुत गरेको शिक्षा विधेयकलाई लिएर नेपाल शिक्षक महासंघको आह्वानमा देशभरका शिक्षकहरुले पठनपाठन ठप्प गरेर काठमाडौं केन्द्रित आन्दोलन गरेका थिए ।
सरकारसँगको ६ बुँदे सहमति पछि उनीहरुले आन्दोलन फिर्ता गरेका थिए ।
