काठमाडौं । चालु आर्थिक वर्षको चैतसम्ममा गत वर्ष यही अवधिको तुलनामा आयात १३ प्रतिशतले बढेको छ । यही अवधिमा निर्यात पनि १८ प्रतिशतले बढेको छ ।
आयातको तुलनामा निर्यात कम हुँदा व्यापार घाटा भने १२ खर्ब ६७ अर्ब पुगेको छ । यो भनेको गत वर्षको चैतसम्मको तुलनामा १३ प्रतिशतको वृद्धि हो । चैत महिनासम्मको तथ्यांकअनुसार १४ खर्ब ९० अर्ब रुपैयाँको आयात हुँदा निर्यात २ खर्ब २२ अर्ब रुपैयाँको मात्रै छ ।
गत वर्ष १३ अर्ब ९ अर्ब रुपैयाँको मात्रै आयात भएको थियो भने निर्यात १ खर्ब ८८ अर्ब रुपैयाँको थियो । यस्तै पछिल्लो ९ महिनामा डिजेल १ खर्ब ३ अर्ब, सोयाबिन तेल ७६ अर्ब, पेट्रोल ५० अर्ब र ग्यास ४१ अर्ब रुपैयाँको आयात भएको छ ।
साथै फलामजन्य वस्तु, स्मार्टफोन, डाइमोनियम हाइड्रोजन फस्फेट, सुन, फर्टिलाइजर ग्रेडलगायत वस्तुको उच्च आयात भएको छ ।
