झापा । हावाहुरीसँगै आएको पानीले झापाको बाह्रदशी गाउँपालिकामा तरकारी र मकै बालीमा ठूलो क्षति पुगेको छ ।
फागुन २८ र चैत २ गतेको हावाहुरीसँगैको वर्षाले बाह्रदशीमा काउली, बन्दोगोभी खेतमै कुहिइएको छ भने पाक्नै लागेको मकै पनि हावाले सोत्तर बनाएको छ। हावाहुरी र पानीले बाह्रदशी र झापा गाउँपालिकामा मात्रै एक करोडभन्दा बढी क्षति पुगेको कृषि ज्ञान केन्दले प्रारम्भिक आकडा निकालेको छ।
हावाहुरी र पानीले बाह्रदशी र झापा गाउँपालिकासँगै हल्दीबारीमा लगाइएको मकै बालीमा क्षति पुगेको कृषि ज्ञान केन्द्रले जनाएको छ ।
