अटो व्यवसायीको माग: स्थिर नीति बिना बजार प्रवर्द्धन सम्भव छैन

श्रावण १६, २०८२ |कान्तिपुर टीभी संवाददाता
अटो व्यवसायीको माग: स्थिर नीति बिना बजार प्रवर्द्धन सम्भव छैन

काठमाडौं । अटो व्यवसायीहरूले बजार प्रवर्द्धनका लागि राज्यको स्थिर नीति आवश्यक रहेको बताएका छन् ।

साउन २१ गतेदेखि सुरू हुने 'नाइमा नेपाल मोबिलिटी एक्स्पो २०२५' को तयारीबारे कान्तिपुर मिडिया ग्रुपले शुक्रबार आयोजना गरेको अन्तर्कृयामा सहभागी व्यवसायीले अटो बजारका लागि स्थिर नीति चाहिने बताएका हुन् । 

नेपाल अटोमोबाइल इम्पोटर्स एण्ड म्यानुफ्याक्चर्स एसोसिएसन् नाइमाकी अध्यक्ष ऋतु सिंह बैद्यले साउन २१ देखि २५ गतेसम्म काठमाडौंमा हुने नाइमा एक्स्पोमा ५० वटा ब्रान्डका सवारी साधन र ३५ वटा नयाँ गाडीहरू सार्वजनिक गरिने बताउनुभयो ।

उद्योग वाणिज्य महासंघका पूर्वअध्यक्ष शेखर गोल्छाले अटो बजार प्रवर्द्धनका लागि सहज र स्थिर नीति चाहिने बताउनुभयो । दुई पाङ्ग्रे सवारी साधन मध्ये ८० प्रतिशत नेपालमै एसेम्बल हुने र ५ हजारलाई रोजगारी दिइरहेको उहाँको भनाइ छ ।

कार्यक्रममा भन्सार विभागका महानिर्देशक महेश भट्टराईले भने सरकारले अटो नीति परिवर्तन नगरेको दाबी गर्नुभयो । कार्यक्रममा सहभागी अन्य अटो व्यवसायीले पनि राज्यको नीति स्थिर भए सवारी व्यवसाय फस्टाउने बताएका थिए ।


Image

कान्तिपुर टीभी संवाददाता

Kantipur TV HD, the most popular TV channel in Nepal, brings Nepal to its audiences. Its programmes provide in-depth analyses about the issues of the day and reflect the people’s voice.