काठमाडौं । यशोदा फुड्स प्रालीको ग्लोबल कार्यकारी निर्देशकमा जिपि शाह नियुक्त हुनुभएको छ ।
३५ भन्दा बढि देशमा मार्केटिङ तथा विज्ञापनको काम गरेका शाहलाई कार्यकारी निर्देशकमा नियुक्त गरेको यशोदा फुड्सले जानकारी दिएको हो ।
यशोदा फुड्सले अहिले भारत, क्यानडा, अमेरिका, बहराइन, कुवेत, दुबई, जापान, बेलायत लगायतका १५ भन्दा बढि देशमा आफ्ना उत्पादन निर्यात गरिरहेको छ । यसले आफ्ना परम्परागत उत्पादनसँगै खाद्य पदार्थ पनि उत्पादन गर्ने जानकारी दिएको छ ।
यशोदा फुड्सले वार्षिक १ अर्ब भन्दा बढिको कारोबार गर्दै आएको छ ।
