काठमाडौं । भाटभटेनी सुपरमार्केटले एक लाख नौ हजार ५ सय २९ जनालाई गिफ्ट भौचर बाँड्न लागेको छ ।
भाटभटेनीले आफ्ना नियमित ग्राहकहरूलाई कूल २२ करोड ५२ लाख ४९ हजार ३२४ रुपैयाँ बराबरको भौचर माघ ६ गते देखि बाँड्न सुरू गर्ने भाटभटेनीका सिओओ सानु पौडेलले जानकारी दिनुभयो ।
गिफ्ट भौचरको प्रयोग गरि देशभर रहेका २७ वटा जुनसुकै भाटभटेनीबाट सामान खरिद गर्न सकिने छ । कम्तिमा १३ सयदेखि २ लाखसम्मको गिफ्ट भौचर सदस्यले प्राप्त गर्नेछन् ।
पौडेलका अनुसार गिफ्ट भौचर बाँडने कार्य २०८१ माघ ६ गते देखि फागुन ९ गतेसम्म रहने छ । भाटभटेनी सुपर स्टोर्सले आफ्ना ग्राहकहरूका लागि पटकपटक धेरै प्रकारको सुविधाका प्याकेज घोषणा गर्दै आएको छ ।
