सप्तरी । जिल्ला सदरमुकाम राजविराजमा बिक्री भइरहेको खुकुरी चुरोटको बट्टामा लगाइएको आन्तरिक राजश्व कार्यालयको स्टिकर नक्कली पाइएको छ ।
आन्तरिक राजश्व कार्यालय मातहतका करदाता सेवा कार्यालय सप्तरीले गोपालल्यान्ड बजरंग ट्रेडर्सबाट नक्कलीसहित शंका लागेका तीन कार्टुन खुकुरी चुरोट आज बरामद गरेको हो ।
नेपाल-भारत तस्करी गर्ने गिरोहबाट खरिद गरिएको उक्त चुरोटमा लगाएको स्टिकर नक्कली फेला परेपछि करछली गर्ने क्रम बढिरहेको देखिएको छ ।
उता, राजविराजका केही व्यापारीहरुले भने सम्बन्धित निकायले भारतबाट हुने तस्करी रोक्न नसक्ने र आफूहरुले खरिद गरेकोमा कारबाही थालेको भन्दै विरोधसमेत गरेका छन् ।
